Liverpool dhe Chelsea arrijnë kualifikimin në çerek finale të Efl Cup

23:46 | 1 Nëntor 2023
D.H

Liverpooli ka arritur të mposhtë Bournemouthin me rezultat 2-1, në kuadër të 1/8 të finales në Efl Cup.

Gapko në minutën e 31-të i dha epërsinë fillestare Liverpoolit, shkruan Arbresh.info.

Teksa Kluivert barazoi rezultatin në minutën e 64-të.

Nuk vonoi shumë dhe në skenë u shfaq Darwin Nunez që ktheu epërsinë vetëm pas 6 minutave, pas golit të realizuar nga vendasit.

Kështu Liverpooli u kualifikua në mesin e tetë më të mirave të këtij kompeticioni.

Fitore arriti edhe Chelsea që mposhti Blackburnin me rezultat 2-0.

Badiashile në minutën e 30-të dhe Raheem Sterling në minutën e 59-të, ishin realizatorët e dy golave në fitoren e Chelseat.

Chelsea dhe Liverpool iu bashkangjiten edhe Newcastle, Everton, West Ham, Middlesbrough, Fulham dhe Port Vale, në mesin e tetë më të mirëve në këtë garë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm